مسقعه على طريقتي الخاصه...لذيييذه جدا...ومميزه ~ مدونة صحتنا لاجل حياة افضل

**--**

امس سويت المسقعه هذي بس بخلطتي الخاصه

طريقه اللحم هذي اتبعها حتى في اللازانيا نفس الطريقه والكل يسألني عن الطعم

والسر الصراحه هو في ملعقتين السكر اللي اضيفهم للتتبيله

تابعوني ...ان شاء الله تعجبكم...

بسم الله نبدا..

نسيت اصور المقادير..

ابدا بالطريقه والمقادير مع بعض

طبعا حمري شرايح الباذنجان ...واتركيهم على جنب

في جدر على النار احمسي اللحم المفروم بدون اي اضافات الى ان يبدا ينشف

اضيفي الثوم المفروم والبصل وقلبي

اضفت فلفل بارد ملون (احمر برتقالي اصفر) مقطع مكعبات صغيره ...

يعطي نكهه لذيذه ورائحه حلوووه

بعد التقليب اضفت البهارات

(فلفل اسود - بابريكا - زعتر او روزماري او اوريجانو - قليل من البزار المشكل - مزيج المكرونه - كزبره ناشفه - كركم ) وقلبت

اضفت الكزبره المفرومه والشبت

في الخلاط (اخلطي 4 طماطم + مكعب ماجي +فنجان زيت زيتون )

واضيفي على الخلطه وقلبي

وهنا السر في النكهه

اضيفي 2 ملعقه طعام سكر وقلبي...

واخر خطوه ((اختياري)) اضفت حمص مطبوخ وجاهز ممكن معلب وممكن انتي تجهزينه

الحين في صينيه بايركس

طبقه ياذنجان فوقها طبقه من العصاج..

في الخلاط اخلطي((3 ملاعق جبن كاسات اي توع تحبينه +ا علبه قشطه او قيمر +1/2 كوب ماء))

وتصبين فوق اللحم قليل من الخلطه

ورشه من جبن البارمزان

ثم نضع طبقه ثانيه باذنجان ولحم وصلصه بيضا وشرايح من الطماطم على الوجه واخيرا الصلصه البيضا وجبن بارمزان وموزاريلا

ندخلها الفرن الى ان تحمر فقط

وقدميها بالف عافيه...وتمتعي بالطعم اللذيييييييييييذ والمميز جدا..

وقدميها مع السلطه والخبز امممممممممم

مدونة صحتنا لاجل حياة افضل