كوب كيك الجزر نفس طعم كيكات بالصور

**--**

كوب كيك الجزر نفس طعم كيكات بالصورcarrot cup cake with cream cheese

جبت لكم اليوم كوب كيك بالكريمه نفس طعم كوب كيك munch بالجزر

منش محل كيك معروووف بجده لذيذة مرة

بسم الله نبدأ:

المقادير:

كاس دقيق – نص كاس زيت – كاس جزر مبشور – ثلاث ارباع كاس سكر

ملعقه كبيره بيكنج باودر – ملعقه كبيره قرفه – ملعقه صغيره ملح – ملعقه صغيره فانيلا

بيضتين

صينيه الكوب كيك مدهونه بزيت ومرشوش عليها دقيق

الطريقة:

قبل البدء بالعمل شغلي الفرن من تحت 

اول شي حطي الزيت والسكر بالوعاء

واخلطيهم زين لين يذوب السكر

حطي عليهم البيض

واخلطيهم 

حطي عليهم المواد الناشفه ((الدقيق – البيكنج باودر – القرفه – الملح- الفانيلا))

واخلطيهم 

واخر شي اضيفي الجزر

واخلطيهم لين يصيرو كذا حيكون معاكي الخليط ثقيل شوي مو خفيف

حطيها بصينية الكوب كيك

ودخليها الفرن من تحت الى ان يتضاعف حجمها وتحمر الاطراف ومن فوق الين تحمر

وهذا شكلها

بالنسبه للكريمه cream cheese هذي نفس كريمة محل munch اللي يستخدمها للكوب كيك

المقادير:

6حبات كيري – ثلاث ارباع كاس سكر مطحون ومنخول – ملعقه صغيره ليمون مبشور ناعم

حطيها كلها بالخلاط

واخلطيها زيييييييييين مرة كثير لين تتجانس تمام ويذوب السكر نهائي وهذا شكلها

اخذت شوي منها وحطيت عليها لون وحاولت اني اسوي شكل حلو عليها وحطيت اوراق نعناع معاها وهذا اللي طلع معاي 

وهنا 

.

ومن داخل صراحه روووووووووووعه ولايقاوم 

اتمنى تعجبكم

محبتكم دااااااااااائما

Posted in: كيك وبسكويت وتارت